Patay na ang iladong haligi sa kasaysayan o historian sa dakbayan sa Butuan nga si Gregorio Jose Palma Hontiveros o kon mas nailhan nga Greg Hontiveros, kanhi konsehal ning siyudad ug usa ka heritage advocate, historian, ug cultural preservationist kinsa gipahinungod ang iyang kinabuhi sa pagsaysay ug pag-amuma sa legasiya sa Butuan.
Naila nga haligi sa Butuan City, usa sa tagsulat “There was no Philippines, but there was Butuan”, Daghan usab nga natampo ni Hontiveros sa Butuan dili lang sa tibuok Pilipinas apan apil na sa kalibutan.
Nahimo siyang presidente sa Butuan Heritage Society, nakigbisog usab nga ang kasaysayan sa “First Mass” nga pagdunggo ni Magellan sa Butuan gihimo kini nga paningkamot sa pagpreserba sa mga historikal nga dapit, pagpalambo sa kultura nga kahibalo, ug pagtipig sa mga lumadnong tradisyon nga padayong naghulma sa identity sa dakbayan.
Usa usab kini nga independent historical researcher ug manunulat kondiin nakahimo siya og duha ka libro nga ao ang ‘Butuan of a Thousand Years’ niadtong 2004 ug ‘A Fire on the Island’ niadtong 2008 gawas pa sa napublisar niyang Journal of History ug mga university journals.
Photo courtesy to:ButuanCityTourism
