Arestado ang usa ka Brgy. Kagawad human kini nakuhaan og iligal nga drugang shabu pinaagi sa gipahigayon nga search warrant operation sa kapulisan sa Barangay Manawan, lungsod sa Jose Dalman, Zamboanga del Norte, alas 4:00 sa kadlawon karong adlawa, Septyembre 25.
Wala na hinganli ang maong suspetsado nga 58 anyos, minyo ug residente sa nasangpit nga barangay. Nakuha atol sa maong operasyon nga gipahigayon sa mga personahe sa Jose Dalman MPS kauban ang ZN PDEU, ZN PIU, ug 1st ZNPMFC ang mokabat sa 7.5402 gramos sa shabu nga nagkantidad ug Php51,273.00 kauban ang mga drug paraphernalia.
Ang mga nakumpiska nga mga ebidensya ang giturnover ngadto sa Zamboanga del Norte Provincial Forensic Unit 9 alang sa eksaminasyon samtang ang dinakpan ang balhog na sa selda sa Jose Dalman Municipal Police Station.
Photo Courtesy: Jose Dalman MPS
