Gi-anunsyo na sa Tropang 5G defensive player nga si Christopher ‘Ping’ Exciminiano ang iyang pagretiro sa pagdula og basketball. Gikompirma ni Danny Espiritu, ang manager sa 36-anyos nga veteran guard, ang iyang pagretiro. Siya na ang ikaduha nga manunula sa TNT nga moretiro sulod sa usa ka semana, sunod kang Ryan Reyes nga nidula og 17 ka tuig sa PBA.
Si Exciminiano nidula og 12 ka season, ug gikan siya sa Far Eastern University. Siya ang nahimong second-round pick sa Alaska niadtong 2013 draft ug number 18 overall, diin nidula siya sulod sa unom ka tuig.
Bisan pa og wala sila nakampyon, apil siya sa grupo sa Alaska nga nakasulod sa finals sa lima ka higayon gikan 2015 hangtod 2019.
Human niadto, na-trade siya sa Rain or Shine baylo kang Maverick Ahanmisi. Naigo siya sa ACL injury ug pagkahuman niini, nibalhin siya sa TNT. Aduna siyay average nga 3.3 points ug 1.5 rebounds sulod sa 282 ka duwa.
Photo courtesy: Christopher Exciminiano
