Gibutyag ni Conchita Areola, Division Head sa Persons With Disabilities Affairs Office (PDAO) Iligan, nga mahinungdanon kaayo ang pagbaton sa husto nga impormasyon sama sa correct spelling sa pangalan ug petsa sa adlaw’ng natawhan sa pagkuha sa PDAO ID.
Sa eksklusibong pakighinabi sa Juander Radyo news team, gipahimangnoan ni Areola ang publiko nga kung sayop ang detalye sa ID, posible nga makasinati usab ug problema sa pagparehistro sa Department of Health (DOH).
Gitataw ni Areola nga ang mga ID nga narehistro sa DOH nga adunay sayop, adunay validity nga tulo ka tuig .
Gipaklaro pa ni Areola nga kung walay tatak nga DOH ang PDAO ID, dili kini madawat sa mga establisemento ug ospital kay giisip kini nga peke.
Busa, gi-awhag niya ang tanan nga buot mukuha og PDAO ID nga susihon pag-ayo ang ilang mga detalye aron malikayan ang mga kalisod sa umaabot.
