Ipaila na sa NLEX ang ilang final roster alang sa PBA Season 50 sa usa ka grand send-off sa Clark, Pampanga sa dili pa ang opening ceremony sunod nga bulan.
Mao kini ang unang send-off sa team sa kasaysayan uban sa mga fans niini, gikan sa tradisyon sa team launch kauban ang mga players, coach ug opisyal sa Road Warriors sa NLEX headquarters sa Balintawak.
Ang panagtapok sa tibuok NLEX team, fans ug mga opisyal sa kompanya ipahigayon sa Events Center sa SM City Clark karong Biyernes.
Gilauman nga motambong sa maong panagtapok si NLEX President ug General Manager Luis Reñon. Pormal nga gi-anunsyo sa NLEX ang team nga mamahimong flag bearer sa PBA Season 50 sugod karong Oktubre 5 sa Smart-Araneta Coliseum.
Gipili sa NLEX si Ljay Gonzales sa Far Eastern University isip No. 5 overall pick sa bag-o lang nahuman nga 2025 PBA Rookie Draft apan wala gipaabot nga moapil sa team aron tapuson ang kampanya sa MPBL alang sa Quezon Huskers.
Pipila sa mga sakop karon sa Road Warriors kauban si Bolick mao sila si Kevin Alas, Javee Mocon, Baser Amer, Xyrus Torres, Robbie Herndon, Enoch Valdez, Jonnel Policarpio, Mike Miranda, Richie Rodger, Matt Nieto, Dominick Fajardo, JB Bahio, Anthony Semerad ug Jake Pascual.
Photo courtesy to:Arangkadanlex
