Nadakpan na sa kapulisan ang usa ka Most Wanted Person sa Panabo City niadtong nakalabay nga adlaw.
Ang operasyon gipangulohan mismo ni PLTCOL Dexter R. Cuevas, Acting Chief of Police sa Panabo City Police Station, uban sa 2nd DNPMFC ug DNPIDMU.
Ang suspek gisikop pinaagi sa Warrant of Arrest nga gi-isyu sa Family Court, 11th Judicial Region, alang sa kaso sa paglapas sa Section 5 sa RA 9165 o Comprehensive Dangerous Drugs Act, nga walay rekomendadong piyansa.
Karon, anaa na sa kustodiya sa BJMP Panabo City Jail sa Barangay Salvacion ang nadakpan samtang nagpadayon ang legal nga proseso. Nagpahimangno ang kapulisan sa publiko nga magpabiling mabinantayon, mag-igmat, ug ipahibalo dayon sa mga otoridad ang kadudahang kalihukan aron mapreserbar ang kalinaw sa komunidad.
Photo for illustration credits to:shopify
