Mitala ang Department of Health (DOH) 13–Caraga og dakong pagtaas sa kaso sa animal bite sa unang unom ka bulan sa 2025, hinungdan nga balik nilang gi-awhag ang publiko nga magpa-medikal dayon aron malikayan ang rabies infection.
Gikan Enero hangtod Hunyo, narehistro sa DOH-13 ang 46,831 ka kaso sa animal bite, mas taas kini kumpara sa 31,976 ka kaso sa parehas nga yugto niadtong miaging tuig – nga nagpasabot og pagdangat og 14,855 ka kaso. Kadaghanan sa insidente naglakip sa pinaakan sa iro ug iring, nga nakapalarma sa mga opisyal sapanglawas.
Sa usa ka press conference, gi-emphasize ni Niel Nituda, Entomologist III sa DOH-13, ang importansya sa post-exposure prophylaxis o anti-rabies vaccination.
Iyang giingnan ang publiko nga kon mapaakan sa hayop, hugasan dayon ang samad gamit ang limpyo nga tubig ug sabon ug mo adto dayun sa labing duol nga health facility o accredited animal bite center.
Gipasabot usab sa DOH nga ang mga public health centers sa rehiyon andam nga mohatag sa gikinahanglan nga tambal ug bakuna.
Photo courtesy: DOH
