Mihinay samtang misibog palayo ang Super Typhoon Nando diin mihapak og mitamparos sa ubang bahin sa Luzon, ug kasamtangan adunay kakusgon nga 185km/h / 230km/h sa gilay-ong 2105km West of Calayan, Cagayan, ug sa karon padayon ang hugtanong pagmonitor sa DOST-PAGASA, Setiyembre 23, 2025.
Samtang ang bag-ong Low Pressure Area (LPA) anaa karon sa gawas nga bahin sa Philippine Area of Responsibility (PAR)
Gilauman usab makasinati sa gihapon og posibleng pag ulan ug pagdahili sa yuta gumikan sa HABAGAT nga nakaapekto sa ubang bahin nasud hilabi na sa Probinsiya sa Davao del Norte.
Sumala sa ulahing datos nga gipagawas sa PDRRMO Davao del Norte, normal pa ang lebel sa tubig sa Menzi Bridge-Santo Tomas, Magupising Bridge-Tagum River, Pagsabangan Bridge, Libuganon River ug Saug Dam.
Samtang ang kahimtang sa kadagatan anaa sa 0.6 hangtod 1.5 meters ang pagbalod. Kabahin sa klima, natala ang minimum temperature nga 25.5°C alas 6:00 sa buntag ug maximum nga 30.8°C alas 11:00 sa buntag. Ang adlaw usab musubang alas 5:45 sa buntag ug mosalop kini alas 5:54 sa gabie.
Giabisohan ang tanan kinahanglan magpabilin nga igmat ug mag-andam sa bisan unsang oras. Siguraduhang adunay emergency kit, saksi sa mga balita, ug magsunod sa mga pahimangno gikan sa mga awtoridad aron malikayan ang mga kadaut ug maprotektahan ang imong pamilya. Tungod ang pagka-andam usa ka hinungdanon nga lakang aron malikayan ang dako nga kalamidad ug magpabilin ang kaluwasan sa tanan.
Photo Courtesy: DOST PAGASA
