Ugdaw sa sunog ang tulo ka panimalay sa Corrales Extension, Corner Ganucayan st., Brgy 22 ning Siyudad sa Cagayan de Oro pasado alas 10 sa buntag kagahapong adlawa
Sumala pa ni SFO2 Jezrel Lazaga, nahitabo ang sunog kapin kon kulang alas 10 sa buntag nga nag sugod sa balay ni Salvador Omega diin nadamay nalang ang mga balay nila Reynaldo Leonor ug Gilbert Uy nga ni abot pa sa 3rd alarm.
Walay Casualty apan, naka angkon og paso sa kalawasan si Omega nga nag paalim karun sa JR. Borja Hospital.
Sa inisyal nga imbistigasyon sa Macabalan Fire Station, nakita matud pa ni Salvador Omega nga nag dilaab na ang kisane sa iyang balay apan wala pa gitumbok sa BFP kung unsa ang hinungdan sa kalayo.
Sa pikas bahin, nagpadayon ang gihimong imbestigasyun sa Lapasan Fire Station kalabot na sa pagkasunog ka lima ka panimalay kagahapong adlawa sa Sitio San Roque, Brgy. Lapasan ning syudad.
Matud ni Fire Senior Inspector Louis Roy Solamo ang Station Commander sa Lapasan Fire Station nga nagsugod ang kalayo sa ikaduhang andana nga pinuy-anan ni Juanito Punay ug gisusi pa ang hinungdan niini
Dugang ni Solamo nga adunay usa ka batan-ong lalaki ang nasamdan ug kini giatiman na sa otoridad. Kapin 100 thousand ang natalang danyos sa insidente.
