Gidakop ang 113 ka mga tawo tungod sa paglabay og bato, pagsunog og ligid, ug pagbungkag og kabtangan. Sa Manila Police District, 51 ang nadakpan sa Ayala Bridge, 21 sa Mendiola, ug 41 sa Recto. Apil niini ang pipila ka menor de edad nga gi-turn over sa Manila Reception and Action Center ug uban pang ginatimbang-timbang pa ang kahimtang.
Nasamdan ang 93 ka pulis; walo sa ila nakasinati og samad, siyam ang gi-obserbahan sa PNP General Hospital, ug usa posible kinahanglan ma-admit tungod sa nasal fracture. Ang 75 nakadawat lang og first aid.
Miingon si Renato Reyes, presidente sa Bagong Alyansang Makabayan, nga ang mga naghatag kasamok sa Mendiola wala mag-uban sa ila ug siya mismo nasamdan sa bato samtang nag report live. Giingon niya nga ang mga nahabilin sa Mendiola nagpakita og kasuko nga dugay na nilang gihambin.
Giingon ni Interior Secretary Jonvic Remulla nga kadaghanan sa mga naglabay og bato sa Ayala ug Mendiola kay mga menor de edad. Misugod ang kagubot human magsunog og ligid sa atubangan sa shipping container, ug gibato ang pulis gamit ang botelya, pintura, ug bato. Nasamdan usab ang usa ka media sa nawong samtang nag-report live sa Facebook.
Nagpadayon ang imbestigasyon sa insidente samtang gipaningkamotan sa kapulisan nga maibalik ang kahusay sa mga apektadong lugar.
SOURCE: GMA NETWORK
