Gipahigayon ang tradisyonal nga Torta Festival sa Ceboley Beach, Zone III, Sta. Cruz, Davao del Sur, diin gipasigarbo pag-usab ang ilahang bantog nga delicacy nga Torta.
Giduyogan sa kalipay ug pasundayag sa kultura ang maong kalihukan, uban ang partisipasyon sa lokal nga komunidad ug mga bisita nga miduyog sa selebrasyon.
Matud sa mga organizers, ang festival dili lamang pagpasidungog sa kalami sa Torta apan usa usab ka paagi aron mapaambit ang kasaysayan, talento, ug pagkahiusa sa mga lumulupyo.
Ang kalihukan nagsilbi sab nga pamaagi sa LGU ug mga residente sa pagpalambo sa turismo ug lokal nga produkto sa Sta. Cruz.
Gibutyag sa mga namuno nga padayon nilang suportahan ang maong selebrasyon aron mahimong mas dako pa nga annual attraction sa lalawigan.
SOURCE: STA. CRUZ TOURISM
