Nadiskubrehan sa walay hunong ug kusganong operasyon sa 8th Infantry (Dependable) Battalion kauban ang uban pwersa ubos sa operational control sa 403rd “Peacemaker” Brigade, 4ID, PA ang taguaan sa armas sa mga rebeldeng NPA nilabayng adlaw didto sa kabukiran sa barangay Balagnan, San Luis, Agusan del Sur, human gitug-an ni Runel Saluaga Gabales alyas JONAS kinsa misurender sa Bukidnon
Gikumpiska sa kasundaluhan ang usa (1) ka Barret .50 caliber nga pusil, usa (1) ka RPG Launcher, duha (2) ka AK-47 rifles, ug usa (1) ka RPK magazine – tanan adunay defaced serial numbers, timailhan nga kini gigamit sa iligal ug teroristang kalihokan.
Si Lieutenant Colonel Jeorge R. Jallorina, Acting Commanding Officer sa 8IB, nga nakabase didto sa lungsod Impasug-onog miingon nga kining kalampusan resulta sa tinud-anay nga kooperasyon ug suporta sa katawhan, uban sa paningkamot sa tanang yunit sa kasundaluhan kansang nagpasabot nga wala nay kasiguraduhan ang mga NPA sa ilang tago-anan ug operasyon.
Nag-awhag usab ang opsiyal sa nahibilin pang miyembro sa NPA nga naa pa sa kabukiran nga mo surrender na ug pili-on ang kinabuhi nga malinawon ug lig-on uban ang ilang pamilya, kaysa magpabilin sa grupo nga ilad ug walay kaugma-on nga pakigbisog
Tungod sa padayun ug walay kapakyasan nga joint triad operations sa tanang unit ilalom sa 403rd Brigade Philippine Army nagparalisa sa kapasidad sa walhong grupo sa paghasik og kagubot ug terorismo sa rehiyon.
via: 8th IB PA
