Niabot ug 12 ka adlaw ug mikabat sa 100 ka kilometros ang gitawag ug natala nga pinaka-grabe nga trapik sa kasaysayan, nga nahitabo sa China National Highway 110 niadtong Agosto 2010.
Nagsugod matud pa kini tungod sa nagsabay nga road repair ug daghang mga trak gikan sa Inner Mongolia padulong sa Beijing nga nagdala ug mga construction materials ug uling, hinungdan sa grabe nga kahasol sa kalsada.
Tungod niini, gatusan ka libo nga mga motorista matud pa ang naipit sa tunga-tunga sa highway nga walay pagkaon, tubig, o paagi aron makabalik. Misamot pa gyud ang kalisod dihang nisamot ug daghan ang gagmay nga sakyanan, nga nagresulta sa hingpit nga pag-block sa dalan.
Dugang pa sa taho, niabot pa sa higayon nga nagtukod na lamang ang mga tao ug “makeshift economy” o ang paghimo ug mga pamaagi aron lamang makakaon, ug makasugakod sa adlaw-adlaw sa maong lugar, samtang padayon nga misamot ang lihok sa trapiko.
Photo courtesy to:Youtube/blogs
