Daghan ang midayeg sa mga artista nga misuporta sa dakong anti-corruption rally, Setyembre 21, 2025. Nalipay ang mga netizens nga daghang mga iladong personalidad ang mitambong sa kalihukan sa kalsada batok sa nagkagrabe nga korapsyon sa gobyerno.
Uban sa mga nitambong mao sila Vice Ganda, Anne Curtis, Nadine Lustre, Jodi Sta. Maria, Julia Barretto, Iza Calzado, Ivana Alawi, Gabbi Garcia, Maris Racal, ug Andrea Brillantes.
Gidayeg usab ang mga celebrity nga nagpakita og suporta online, sama nila Marian Rivera, Angel Locsin, Dolly de Leon, ug Judy Ann Santos.
Bisan pa niini, adunay mga nadismaya sa mga personalidad nga daw nagpabiling hilom karon na panahon. Apil sa gipangita mao si Kathryn Bernardo. Na-mention ang ngalan ni Kathryn sa usa ka viral nga post sa X (kaniadto Twitter)
Adunay kapin sa 800,000 ka views ug 23,000 ka likes ang maong post kagahapon. “Ang kahilom ni Kathryn Bernardo bahin ani nga isyu nakasamok gyud nako,” matod sa usa ka X user nga si Aiden.
Walay makit-an nga bisan unsang post ang Kapamilya actress bahin sa rally o sa mainit nga isyu sa flood control corruption sa iyang mga social media accounts.
Matod sa ubang X users, walay aksyon si Kathryn tungod sa iyang giingong ka-relasyon nga politiko.
Dugay na nga chika nga adunay relasyon ang drama actress ngadto kang Mark Alcala, mayor sa Lucena City, Quezon Province. Depensa sa mga fans ni Kathryn, nagpadala ang young actress og pagkaon ug bottled water alang sa mga rallyista.
Photo courtesy: Manila Standard
