Wala pasagdi ni Two-Time Olympian Ej Obiena nga pakauwawan siya sa iyang mga fans human gidominar ang World Pole Vault Challenge nga gipahigayon sa Ayala Triangle sa Makati kagahapon. Nagpunsisok ang mga tumatan-aw bisan pa sa hulga sa bagyong Nando nga suportahan ang pinoy nga Pole Vaulter sa iyang dula.
Mao nga mas nadasig si Obiena sa iyang paghawan og 5.80 metros sa iyang ikaduhang pagsuway diin mao usab ang samang marka nga natala ni Thibaut Collet sa France. Apan, si Obiena nakadaog sa bulawang medalya pinaagi sa countback tungod si Collet nakaabot sa 5.80m sa iyang ikatulong pagsulay lamang
Si Piotr Lisek sa Poland, sa laing bahin, nakadaog sa bronze medal sa ambak nga 5.70m. Nindot kini nga pagbalik ni Obiena, kinsa napakyas pag-abante sa final round sa bag-o lang nahuman nga World Athletics Championships sa Japan.
Kahinumduman nga napakyas si Obiena sa paghawan sa 5.75m qualifying mark aron makaabante sa finals sa world meet. Ang Reigning World Champion ug Olympic Gold Medalist nga si Mondo Duplantis maoy midominar sa World Championships, sa makausa pa nakabutang og bag-ong world record nga 6.30m.
via: Ej Obiena
