Nahulog sa ika-37 nga puwesto sa FIBA world rankings ang nasudnong basketball team sa Pilipinas, nga Gilas Pilipinas, human wala molampos sa ilang performance sa bag-ohay lang nga FIBA Asia Cup nga gipahigayon sa Saudi Arabia.
Niadtong Nobiyembre sa miaging tuig, ang Gilas anaa pa sa ika-34 nga puwesto human gipildi ang New Zealand sa ikaduhang bintana sa FIBA Asia Cup Qualifiers nga gipahigayon dinhi sa Pilipinas.
Apan tungod sa resulta sa torneyo sa Saudi Arabia, nius-os ang ilang ranking.
Sa nahisgutang torneyo, ang Gilas Pilipinas napildi sa Chinese Taipei ug New Zealand una pa nakabawi ug midaog batok sa Iraq.
Ang kadaugan batok sa Iraq maoy naghatag og dalan aron makasulod sila sa qualification round alang sa quarterfinals.
Bisan og nisulod sila sa sunod nga hugna, dili paigo ang ilang kampanya aron mamintinar ang ilang mas taas nga ranggo sa FIBA.
Padayon nga gitun-an sa Gilas ang mga kakulian niini aron mapun-an sila sa umaabot nga mga duwa ug mapausbaw ang posisyon sa Pilipinas sa global basketball.
via: strikePH
