Kusganong gikondena sa Estados Unidos ang mga agresibong aksyon sa China human kini migamit og water cannon sa barko sa gobyerno sa Pilipinas duol sa Scarborough Shoal hinungdan sa kadaot sa barko ug pagkaangol sa usa ka tripulante.
Matod sa Philippine Coast Guard (PCG), ang BRP Datu Gumbay Piang, nga gidumala sa Bureau of Fisheries and Aquatic Resources (BFAR), kabahin sa misyon sa paghatod og tubig, gasolina, ug uban pang suplay ngadto sa kapin 35 ka mga mangingisda nga Pinoy sa maong dapit dihang giatake kini sa duha ka barko sa Chinese Coast Guard gamit ang high-pressure water cannons.
Nagpaambit sa usa ka pahayagan si US Ambassador MaryKay Carlson ug gidayeg ang gobyerno sa Pilipinas sa pagpanalipod sa mga mangingisda nga Pilipino ug pagsuporta sa balaod sa kadagatan.
Sa laing bahin, giakusahan sa China ang Pilipinas nga giingong misulod sa teritoryo niini, nga gitawag niini nga Huangyan Island.
Photo courtesy:Daily chronicle
