Naospital ang kanhi Presidente sa Brazil nga si Jair Bolsonaro human makasinati ug pagluya, pagsuka, ug ubos nga presyon sa dugo, sumala sa iyang kamagulangang anak nga lalaki, si Senador Flavio Bolsonaro.
Sa usa ka pahayag, si Flavio nangayo og pag-ampo alang sa dali nga pagkaayo sa iyang amahan, kinsa anaa sa ilalom sa medikal nga pag-atiman.
Nahitabo ang insidente taliwala sa nagpadayong legal nga kaso sa kanhi presidente. Si Bolsonaro gisentensiyahan og kapin sa 27 ka tuig nga pagkabilanggo human mapamatud-ang sad-an sa giingong pagplano og kudeta ug pagsulay sa pagpatay sa kasamtangang Presidente sa Brazil nga si Luiz Inácio Lula da Silva.
Ang 70-anyos nga kanhi lider naospital sa niaging mga buwan tungod sa komplikasyon sa pagdunggab nga iyang nahiaguman samtang nangampanya pito ka tuig na ang nakalabay.
Sa pagkakaron, wala pay opisyal nga pahayag ang kampo ni Bolsonaro sa iyang kondisyon human madala sa ospital. Ang publiko padayon nga nagpaabot sa mga update sa iyang kahimsog.
via: Britanica
