Gipaniguro sa gobyerno ang seguridad alang sa umaabot nga mass protest karong Septiyembre 21, uban sa direktiba ni Department of the Interior and Local Government (DILG) Secretary Jonvic Remulla nga ipakatap ang kapin sa 50,000 ka Philippine National Police (PNP) personnel sa tibuok nasod.
Matod ni Remulla, ang 50,335 ka mga pulis ipakatap sa nagkalain-laing lugar aron mahatagan og police visibility, mobarog isip standby units, magpahigayon og checkpoint operations, border control, ug traffic control, ilabi na sa mga lugar nga gipaabot nga hugtan sa pagpalihok sa mga raliyista sama sa Luneta ug EDSA.
Gipahayag usab sa kalihim nga suportado ni Presidente Ferdinand Marcos Jr. ang katungod sa katawhan sa pagpadayag sa ilang opinyon, lakip na ang pagbatok sa giingong kurapsyon sa gobyerno.
Samtang, gipasalig sa Malacañang nga wala silay nadawat nga hulga sa seguridad sa Presidente kalabot sa maong protesta.
Nanawagan usab ang Malacañang sa publiko nga dili i-link ang aksyong protesta sa Setyembre 21 sa mga laraw sa destabilisasyon, nga nag-insistir nga kini bahin sa gawasnon nga prensa sa ilawom sa usa ka demokratikong katilingban.
Ang Septiyembre 21 usa ka makasaysayanong adlaw sa nasud, nga naghandom sa deklarasyon sa Martial Law niadtong 1972.
Gilauman nga mosalmot ang nagkadaiyang sektor sa mga rally aron pagkondenar sa giingong kurapsyon sa mga proyektong pang-imprastraktura sama sa flood control projects
via: PNP
