Gipahibalo ni US President Donald Trump nga iyang isunod ang Memphis, Tennessee sa pagdeploy sa National Guard.
Ang maong lakang kabahin sa iyang padayon nga pagsumpo sa mga kriminal sa mga siyudad nga gipangulohan sa Demokratiko. Matud ni Trump nga ang mayor ug gobernador sa Memphis nalipay sa desisyon.
Giisip sa FBI ang Memphis nga adunay labing taas nga rate sa krimen sa US, nga adunay 2,501 nga krimen matag 100,000 ka tawo. Nagplano usab si Trump nga ipadala ang National Guard sa New Orleans ug Chicago.
Photo courtesy to: US Army
