𝐒𝐓𝐑𝐄𝐄𝐓 𝐋𝐄𝐕𝐄𝐋 𝐃𝐑𝐔𝐆 𝐏𝐄𝐑𝐒𝐎𝐍𝐀𝐋𝐈𝐓𝐘 𝐒𝐈𝐊𝐎𝐏 𝐒𝐀 𝐌𝐀𝐑𝐀𝐆𝐔𝐒𝐀𝐍

Nasikop sa usa ka buy-bust operation ang usa ka babaye nga giilang si alyas “Delima,” nga giingong usa ka street-level drug personality, sa Purok Mahogany, Barangay Poblacion, Maragusan, Davao De Oro.

Ang operasyon gipahigayon sa Maragusan Police Station, kauban ang Provincial Drug Enforcement Unit sa Davao de Oro ug ang 1st Provincial Mobile Force Company, niadtong Setyembre 13, 2025, sa takna nga alas 6:52 sa gabii.

Narekober gikan sa suspetsado ang gidudahang shabu ug uban pang ebidensiya nga may kalabotan sa ilegal nga droga.

Ang suspetsado mag-atubang sa kasong paglapas sa Republic Act 9165, o ang Comprehensive Dangerous Drugs Act of 2002.

Photo courtesy to: Maragusan Police Station