Arestado ang usa ka lalaki sa gipahigayong Drug Buy-Bust Operation sa mga personahe sa Titay Municipal Police Station sa Barangay Dalangin,Titay,Zamboanga Sibugay niadtong nakalabay nga adlaw.
Naila ang dinakpang residente sa nasampit nga lugar kung asa nasakmit sa iyang posisyon ang gitohuang shabu nga gibanabanang motimbang sa 1 ka gramo nga nagkantidad sa Php 6,800.00.
Atol sa operasyon,migamit ang mga operatiba sa Alternative Recording Device nga anaa ang presensya sa Barangay Official og representante sa Media samtang gipahigayon ang pag imbentaryo sa nasakmit nga butang.
Sa kasamtangan ang dinakpan anaa sa kostudiya sa Titay MPS alang sa hustong lakang samtang ang nakumpiska nga drug item gidala sa Zamboanga Sibugay Forensic Unit alang sa eksaminasyon.
