Girespeto ni Presidente Ferdinand Marcos Jr. ang katungod sa katawhan sa paghimo og mass rally nga gikatakda sa nagkalain-laing grupo karong Septiyembre 21, dungan sa anibersaryo sa deklarasyon sa Martial Law sa panahon ni kanhi Presidente Ferdinand E. Marcos.
Matod ni Palace Press Officer Claire Castro, klaro ang baruganan sa Presidente nga ang maong aksyon kabahin sa demokrasya ug katungod sa gawasnong pagpadayag sa iyang hunahuna.
Matod niya nga ang mga lihok protesta batok usab sa korapsyon, nga gipakigbatokan usab sa Presidente, mao nga managsama sila og pagbati ug sentimento.
Bisan pa niini, nanghinaot ang Palasyo nga dili gamiton sa pipila ka grupo ang lihok protesta sa Septiyembre 21 isip behikulo sa paglusad sa destabilisasyon.
Ang September 21 rally nagtumong sa pagtay-og sa gobyerno ug pagdemanda nga manubag ang mga nalambigit sa kurapsyon sa gobyerno.
Photo courtesy to:PNA
