Baynte ka Certificate of Condonation with Release of Mortgages (COCROMS) ang natunol sa Department of Agrarian Reform (DAR) Zamboanga del Sur ngadto sa Agrarian Reform Beneficiaries (ARBs) sa lalawigan.
Kini gitunol isip kabahin sa nationwide program sa Handog sa Pangulo: Serbisyong Sapat para sa Lahat nga gihimo sa may Mega Gymnasium, Provincial Government Complex, Dao, Pagadian City, niadtong nakalabay nga adlaw.
Pinaagi sa maong programa, mawala na ang mga land amortization sa mga ARBs sa bangko nga nagkatidad ug P222, 564.11 nga adunay kinatibuk-ang land area nga 30, 354 hectare.
Gawas niini, midawat usab ang lima ka Agrarian Reform Beneficiaries Organization (ARBOs) ug mga support services projects nga nagkantidad ug P2,696,000.00.
Nalakip sa nadawat sa lima ka mga Agrarian Reform Beneficiaries Organization (ARBOs) mao ang floating tiller, Rice Reaper/ Harvester/Brush Cutter/,Corn Sheller with De Husker, ug Mobile Rice Mill
Ang Handog ng Pangulo: Serbisyong Sapat Para Sa Lahat, usa ka nationwide program sa gobyerno nga tuyo aron ipang-apud-apod ang mga suportang serbisyo sa mga mag-uuma isip kabahin sa pagsaulog sa adlawng natawhan ni PBBM.
Photo courtesy to:DARZDS fb page
