Napakyas ang Filipino pole vaulter nga si EJ Obiena nga makasulod sa finals sa 2025 World Athletics Championship sa Tokyo, Japan.
Si Obiena mihaw-as lamang sa 5.55 metros ug mitapos sa ika-18 nga pwesto, tali nila ni Matej Ščerba sa Czechia ug Oleksandr Onufriyev sa Ukraine.
Si Obiena naa sa Group A kauban ang world record holder nga si Mondo Duplantis sa Sweden ug Emmanouil Karalis sa Greece.
Ang Filipino vaulter mihaw-as sa sinugdanan nga gitas-on nga 5.40 metros ug nahawiran dayon og 5.55 metros sa iyang unang pagsulay.
Apan, napakyas siya sa ika-duha nga pagsulay sa 5.70 metros ug gipili nga laktawan, ug iyang katapusang higayon sa pagsulay sa 5.75 metros.
Didto sab siya napakyas pag-abot sa unang ambak hinungdan nga nakaangkon siya og tulo ka sunodsunod nga sipyat ug natangtang sa kompetisyon.
Ang mga atleta lamang nga nakalampos sa 5.80 metros o nalakip sa top 12 sa kinatibuk-ang 36 ka partisipante sa duha ka qualification group ang nakaabante sa final round.
Photo courtesy to:One Sports
