Subling mipasundayag si Pole vault star Mondo Duplantis sa iyang katakos human mag-qualified sa final sa World Athletics Championships sa Tokyo niadtong Sabado, gamit lang ang duha ka epektibong paglukso, nga segun kaniya daw usa lang ka warm-up.
Ang 25-anyos nga Swedish vaulter, nailhan sa kanunay nga pagbuntog sa iyang kaugalingong world record, kumpiyansa nga misulay og lukso sa 6.30 meters sa final , usa lang ka sentimetro nga mas taas sa iyang kasamtangang record nga iyang nakuha sa Budapest niadtong miaging bulan.
Human sa malinawon nga Tokyo Olympics niadtong 2021 tungod sa pandemya, dako ang kalipay ni Duplantis sa iyang pagbalik sa National Stadium.
Nakauban niya sa pagsulod sa final sila Emmanouil Karalis sa Greece, Sam Kendricks sa US, ug Kurtis Marschall sa Australia, human sa limpyo nilang lukso nga 5.75meters.
Gawas sa pagkahimong kampeon sa Olympics ug World Championships, padayong gihatagan ug gibug-aton ni Duplantis ang pole vault, usaka event nga kasagaran lang anaa sa kilid sa Track and Field.
Photo courtesy of imc-iraq.com
