Aktibong miapil ang mga Friends Rescued nga anaa sa pag-atiman sa 8th Infantry (Dependable) Battalion, Philippine Army, nga nakabase sa Impasug-ong Bukidnon sa gipahigayon nga Former Rebels and Peace Builders Summit niaging adlaw didto syudad sa Cagayan de Oro
Ang maong summit nagsilbing plataporma alang sa dialogo, pasalig, ug pagpakusog sa kalinaw tali sa mga kanhing rebelde ug mga peace advocates. Gitigom ang mga ahensya sa nasyonal nga gobyerno, lokal nga pang gamhanan, kasundaluhan, ug mga organisasyon sa sibil nga katilingban isip pagsuporta sa whole-of-nation approach sa gobyerno aron tapuson ang lokal nga armadong panagbangi.
Usa sa gipunting nga kalihokan mao ang pag-award sa upat (4) ka mga FRs gikan niining yunit sa ilang mga hinabang ubos sa Enhanced Comprehensive Local Integration Program (E-CLIP).
Si Lieutenant Colonel Jeorge R. Jallorina, Acting Commanding Officer sa 8th Infantry Battalion, nagpadayag sa iyang pagpasalamat sa DILG 10 sa pagpanguna sa maong kalihokan ug sa Probinsya sa Bukidnon nga gipangulohan ni Gobernador Rogelio Roque uban sa ubang mga ahensya ug stakeholders tungod sa ilang padayon nga suporta.
Gipamatuod pag-usab sa 8th Infantry Battalion ang hugot nga komitment sa pagpalambo sa kalinaw, seguridad, ug kalamboan sa Amihanang Mindanao, samtang naghatag sa walay puas nga suporta alang sa mga kanhing rebelde sa panaw padulong sa hingpit nga kabag-ohan.
via: 8th Infantry Batallion
