Tungod sa kasuko, giputol sa usa ka lalaki ang suplay sa kuryente sa tibuok baryo sa india tungod matud pa wala motubag sa iyang tawag ang iyang uyab.
Sa usa ka viral nga picture, makita ang maong lalaki nga misaka sa poste sa kuryente ug naggamit og pliers aron putlon ang mga kable.
Tungod niini, napalong ang suplay sa kuryente sa tibuok lugar. Daghang residente ang nasuko sa iyang gibuhat nga nagbutang sa kinabuhi sa publiko sa peligro ug nagpalisod sa komunidad.
Gikasuko usab kini sa mga netizen online, ug namahayag nga walay rason nga e-sakripisyo ang kaluwasan sa uban tungod lamang sa iyang personal nga kasuko.
Photo courtesy to:news9live
