Gibutyag sa World Health Organization (WHO) nga ang Mpox dili na usa ka internasyonal nga health emergency. Gideklara sa UN health agency nga niadtong Agosto 2024, nagsugod ang pagkaylap sa usa ka matang sa mpox gikan sa Democratic Republic of Congo padulong sa mga kasikbit nga nasud.
Sukad niadto, padayong mikunhod ang mga kaso sa Congo ug ubang apektadong nasud sama sa Burundi, Sierra Leone, ug Uganda, matod sa direktor sa WHO nga si Tedros Adhanom Ghebreyesus.
Ang Mpox mahimong mokaylap pinaagi sa closed contact. Bisan kung kasagarang “mild” ang mga kaso, kini makamatay sa talagsaon nga mga kaso. Nagdala kini og mga simtomas sama sa trangkaso ug mga samad nga puno sa nana.
Ang mga bata, mga mabdos nga babaye, ug mga tawo nga adunay huyang nga immune system, sama sa mga dunay HIV, anaa sa mas taas nga peligro sa mga komplikasyon.
Matod sa WHO, ang Mpox usa gihapon ka pampublikong kabalaka sa kahimsog sa tibuok kalibutan, apan gidesisyunan nila nga i-downgrade kini base sa tambag gikan sa Emergency Committee, nga nagatapok matag tulo ka bulan aron susihon ang mga outbreak.
Ang pagtangtang sa MPOX isip health emergency concern, wala nagapasabot nga dili na magmatngon ug magbantay ang katawhan.
Photo Courtesy to: WHO youtube
