Miukit og kasaysayan ang Pinay tennis star nga si Alex Eala human niya nakuha ang iyang labing una nga WTA title pinaagi sa pagpildi kang Panna Udvardy sa Hungary, 1-6, 7-5, 6-3, sa finals sa Guadalajara 125 Open.
Sa edad nga 20, gipakita ni Eala ang iyang kadasig human siya napildi sa unang set, apan nakabawi ug nakuha ang kampiyonato.
Sa wala pa ang makasaysayanong kadaugan, hapit na unta niya makuha ang korona sa Eastbourne Open (WTA250) sa Great Britain niadtong Hunyo, apan napildi siya sa finals kang Maya Joint.
Kining kadaugan sa Guadalajara makadugang sa nagkadako nga koleksyon sa iyang mga titulo, lakip na ang lima ka singles titles sa International Tennis Federation (ITF) circuit.
Photy courtesy: Alex Eala
