Opisyal nga gi-inagurahan ug gitugyan ang bag-ong nahuman nga community-identified evacuation center ngadto sa mga residente sa Barangay Longmot, Tigbao, Zamboanga del Sur, adlaw’ng Miyerkules, Septyembre 3, 2025.
Ang turn-over ceremony gipangunahan ni Mayor Eleazar C. Carcallas, Municipal Vice Mayor Rowell Lalican, Municipal Planning and Development Coordinator, ug mga Barangay officials sa nahisgutan nga barangay.
Ang proyekto nagkantidad ug P1,628,839.00 sa Department of Social Welfare and Development’s (DSWD) KALAHI-CIDSS program nga nagtumong aron mahimong luwas ang mga residente panahon sa natural disasters.
Ang DSWD Kapit-Bisig Laban sa Kahirapan Comprehensive and Integration Delivery of Social Services (KALAHI- CIDSS) usa ka flagship poverty alleviation and community development program sa Philippine government.
Gisaysay ni Mayor Carcallas, dako ang iyang kalipay sa response sa komunidad nga ilang ampingan ang maong pasilidad aron magamit pa sa dugay nga panahon.
Ang bag-ong pasilidad lauman nga mapalig-on ang barangay’s disaster preparedness and response capabilities sa pagsiguro nga luwas ang lumulupyo sa maong lugar panahon sa kalamidad.
