Gipildi ni Alex Eala si Arianne Hartono sa Netherlands, sa score 6 over 2, ug 6 over 2 sa second set sa sayong sa Pilipinas Setyembre 3, 2025, aron sugdan ang iyang kampanya sa Guadalajara 125 Open sa Mexico.
Si Eala, kasamtangang anaa sa No. 75 nga pwesto sa Women’s Tennis Association rankings. Ang Pinay nga tennis ace, miangkon sa kadaugan sa iyang pagbira gikan sa 2-all nga panagtabla sa ikaduhang set ug gisirad-an ang dula human sa usa ka oras ug siyam ka minuto.
Sa unang set, nakauna si Eala og 3 batok 1 nga labaw sa wala pa midaog si Hartono sa ikalimang dula. Hinuon, nakabangon si Eala ug giangkon ang sunod nga tulo ka dula aron makuha ang set.
Si Eala makigsangka sa 39-anyos nga American nga si Varvara Lepchenko sunod sa Round of 16.
Photo courtesy to: One Sports
