Gipahibalo sa PBA ang update kalabot sa pagbaligya sa prangkisa sa NorthPort Batang Pier. Sa wala pa ang Season 50 sa liga ug ang tinuig nga preseason proceedings niini nga naglakip sa Draft Combine ug Rookie Draft, ang NorthPort franchise gikatahong gibaligya sa P90 milyones ngadto sa Pureblends.
Hinuon, giklaro sa PBA nga dili pa final ang pagbaligya, ug gilauman nga magpabilin ang ngalan sa NorthPort hangtod sa Septiyembre 7 Draft sa Mall of Asia Music Hall.
Matud pa nga ang representante sa Pureblends misumiter kagahapon sa ilang letter of intent ug uban pang importanteng mga kinahanglanon sa ilang tinguha nga makuha ang prangkisa sa NorthPort.
Gisubli pag usab ni PBA Commissioner Willie Marcial nga dili pa mahuman ang maong transaksyon.
Dugang pa ni Marcial nga ang letter of intent ug uban pang mga dokumento gipasa na sa review committee alang sa rekomendasyon. Ang NorthPort maoy naghupot sa ikaunom nga overall pick sa Season 50 Draft niadtong Domingo.
Photo courtesy to:fastbreak
