𝐂𝐎𝐍𝐆. 𝐂𝐀𝐆𝐀𝐒, 𝐌𝐈𝐏𝐄𝐓𝐈𝐒𝐘𝐎𝐍 𝐒𝐀 𝐃𝐏𝐖𝐇 𝐗𝐈 𝐀𝐋𝐀𝐍𝐆 𝐒𝐀 𝐈𝐍𝐒𝐏𝐄𝐊𝐒𝐘𝐎𝐍 𝐔𝐆 𝐈𝐍𝐕𝐄𝐍𝐓𝐎𝐑𝐘 𝐒𝐀 𝐓𝐀𝐍𝐀𝐍𝐆 𝐅𝐋𝐎𝐎𝐃 𝐂𝐎𝐍𝐓𝐑𝐎𝐋 𝐏𝐑𝐎𝐉𝐄𝐂𝐓 𝐒𝐔𝐊𝐀𝐃 𝟐𝟎𝟏𝟗

Naghangyo si Congressman John Tracy Cagas sa buhatan sa Department of Public Works and Highways Region XI nga pagahimoon ang usa ka hugot nga inspeksyon ug inventory sa tanang flood control projects sa iyang distrito.

Ang maong hangyo gibase sa iyang paglingkod isip kongresista sukad pa niadtong 2019.

Matud pa ni Cong. Cagas, importante nga masuta ang kahimtang ug kalidad sa mga proyekto aron masiguro nga epektibo kini sa pagpugong sa pagbaha ug makahatag og tinuod nga proteksyon sa katawhan.

Gidugang pa niini nga pinaagi sa maong lakang, masuta usab kung nagamit ba sa tukmang paagi ang pondo alang sa kaluwasan ug kaayohan sa publiko.

Sa pagkakaron, naghulat ang buhatan sa kongresista sa opisyal nga aksyon ug tubag sa DPWH Region XI bahin sa iyang gi-request nga inspeksyon.

Photo courtesy to: Rondakbayan