Gipresentar sa Protected Area Management Office-Allah Valley Protected Landscape (PAMO-AVPL) atubangan sa Sangguniang Bayan sa T’boli niadtong nakalabay nga adlaw ang proseso sa pag-aplay alang sa Special Use Agreement in Protected Areas kon (SAPA), usa ka tenurial instrument ubos sa Expanded National Integrated Protected Areas System (ENIPAS) Act of 2018.
Ang SAPA nagsilbi nga legal nga mekanismo nga nagtugot sa regulated ug malungtarong paggamit sa mga bahin sa mga protektadong lugar para sa mga espesyal nga katuyoan, sama sa ecotourism.
Ang Provincial Environment and Natural Resources Office sa South Cotabato ug ang mga opisyal sa Protected Area Management nihatag ug gibug-aton sa importansya sa instrumento sa pagpormal ug pagpalig-on sa pagdumala sa Lake Holon sa Mt. Melibengoy, usa sa mga flagship ecotourism sites sa South Cotabato.
Atol sa sesyon, ang municipal local government unit (MLGU) sa Tboli gidasig sa pag-aplay alang sa SAPA aron masiguro nga ang ecotourism operations sa Lake Holon magpabilin nga nagsunod sa kasamtangan nga mga balaod samtang nagpasiugda sa biodiversity conservation ug lokal nga panginabuhian.
Photo courtesy to: DENR XII
