Gikatakdang mobalik sa full-time sa boxing si Hall of Famer Manny Pacquiao. Kini maoy gibutyag ni MP Promotions head Sean Gibbons, kinsa nagkanayon nga gawas sa iyang pagka-boksingero, mohimo sab siya og TV program aron ma-promote ang maong sport sa US.
Ang 46-anyos nga si Pacquiao gipaabot usab nga makigsangka kang WBA welterweight champion Rolly Romero, nga mahimong ipahigayon sa Las Vegas sa Disyembre.
Ang 29-anyos nga si Romero, kinsa nahimong propesyonal niadtong 2016, adunay rekord nga 17 ka daog ug duha ka pilde uban ang 13 ka knockouts.
Kahinumdoman nga niadtong Hulyo, miresulta og tabla ang away ni Pacquiao batok sa WBC titlist nga si Mario Barrios diin matud ni Gibbons nga dili na prayoridad nila ang rematch.
Photo courtesy to: Good news Pilipinas
