Gikalipay ni Hidilyn Diaz ang kalipay nga nabati gumikan sa paglambo sa weightlifting sa nasud. Nahibaluan sa tanan, ang usa ang weightlifting nga nakahatag ug dungog sa nasud sa mga international competitions.
Dakong pamatuod niini si Diaz, ang nakakuha sa pinakaunang medalya nga gold sa Pilipinas sa Olympic Games nga gihimo nahitabo niadtong 2021 sa Tokyo, Japan.
Gilauman ni Diaz nga magpadayon ang pag-usbong sa weightlifting pinaagi sa pagpakusog sa mga programa ug paglangkob niini sa mga dula sa Palarong Pambansa.
Kaabag ni Diaz sa pagpakaylap sa weightlifting ang Philippine Sports Commission ug Department of Education.
Sa suporta sa PSC ug DepEd, adunay ekwipo nga ipagamit sa kinatibuk-an nga rehiyon aron magamit sa mga coach ug mga atleta aron mapalig-on ang dula.
Gitun-an na sa UAAP ang pag-uban sa weightlifting sa ihap sa mga regular sports sa naturang collegiate league.
Niini nga pamaagi, aduna nay chansa ang mga kabataan nga makakuha ug mga scholarship gikan sa member schools sa UAAP.
Photo courtesy to: CNN
