Nadakpan sa kapulisan ang usa ka Chinese national human misulay ug likay sa checkpoint sa sitio Landing, barangay San Isidro, lungsod sa Talakag alas 6:20 sa gabii naiging Agosto 31, 2025.
Sakay sa kolor blue Motorstar motorcycle adunay plate no. 1336-0489912), nga walay helmet ang suspetsado dihang gipahunong sa kapulisan para sa dokumento ug kalit kining miikyas ug nipadayon pagpadagan palayo hinungdan nga gigukod dayon sa mga kapolisan ubos sa pagpangulo ni PMAJ Kevin P. Bangsoy kauban ang Highway Patrol Group (HPG).
Apan wa kini nakalingkawas nadakpan ug naatubang sa mga otoridad. Sa pag-imbestiga, nasuta nga wala kini maipakita nga driver’s license, OR, CR sa motorsiklo, passport, working visa, o bisan unsang valid ID.
Dili usab makasulti og binisaya o English, diin pinaagi lang sa iyang cellphone, giiinngog nagtrabaho matud pa sa usa ka kompanya sa Cagayan de Oro City.
Sa karon, ang suspetsado gibutang sa kustodiya sa Talakag Municipal Police Station samtang nakigkoordinasyon sa Bureau of Immigration para sa tukmang disposisyon.
via: Talakag Municipal Police Station
