Target sa Bureau of Fire Protection (BFP) Region 9 nga mahatagan ug mga Fire Extinguisher ang tanang mga Public School sa Rehiyon Nueve.
Sa pakighinabi sa Juander Radyo News Team kang BFP IX Regional Director FCSUPT Jerry D. Candido, DSC, siya miingon nga anaa na sila sa ikaduhang hugna sa pagpanghatag ug mga fire extinguisher sa DEPED Region 9.
Gisaysay ni RD Candido, ang pondong gigahin sa gipanghatag nilang fire extinguisher, gikan sa ilang mga personnel nga mitampo gikan sa ilang swelduhan aron pagpasalamat sa nahimong serbisyo sa ahensiya.
Kini tungod nga kasagaran sa ilang inspection sa mga pampublikong eskwelahan adunay kakulangon nga mga fire extinguisher.
Pinaagi sa maong inisyatiba, mahimong matabangan ang mga tulunghaan kun may mahitabong sunog gumikan may gamit sila nga pampatay sa mga gamay nga kalayo.
Makatabang usab kini aron dili na makahimo ug dako nga damage sa mga kabtangan sa mga tulunghaan nga sagad nahitabo na.|
Photo courtesy to: Public information unit BFP-R9
