Gipahidumdoman ang mga Pinoy nga nangita ug trabaho sa abroad nga dili modawat ug mga kadudahang mga job offers sa Myanmar gumikan nagpabilin pa gihapon ang deployment ban sa Southeast Asian country.
Gisubli sa Philippine Embassy sa Myanmar ang pahinumdom human makatala ug pagtaas nga ihap sa mga Pinoy nga misulod sa nasud nga gikaingon nga nagtrabaho isip costumer service representatives.
Wala naghatag ug tukmang ihap ang embahada, apan dinosena ang mga biktima nga nangayo ug tabang human mabiktima sa illegal recruitment sa Myanmar.
Na-recruit ang mga biktima pinaagi sa WhatsApp, Facebook, ug Telegram isip mga customer sales representatives apan gipugos sila pagpatrabaho isip mga online scammer.
Giingon sa embahada, abli kanunay ilang buhatan sa tanang mga pangutana ug mahimo nga tawagan ilang hotline(+95) 998-521-0991 kon may reklamo.
Photo courtesy to:global new-inquirer.net
