𝐋𝐀𝐁𝐎𝐑𝐄𝐑 𝐒𝐈𝐊𝐎𝐏 𝐒𝐀 𝐁𝐔𝐘-𝐁𝐔𝐒𝐓 𝐎𝐏𝐄𝐑𝐀𝐓𝐈𝐎𝐍, 𝐀𝐑𝐌𝐀𝐒 𝐔𝐆 𝐈𝐋𝐋𝐄𝐆𝐀𝐋 𝐃𝐑𝐔𝐆𝐒 𝐍𝐀𝐊𝐔𝐌𝐏𝐈𝐒𝐊𝐀

Nasikop ang usa ka lalaki atol sa gipahigayong drug-bust operation sa Purok 1, Barangay Sangab, Maco, Davao de Oro, niadtong milabay nga adlaw.

Subay sa report sa kapulisan sa Maco Municipal Police Station (MPS), naila ang dinakpan sa alyas “Barok”, 44 anyos, minyo, usa ka laborer, ug residente sa Purok 8, Barangay Madaum, Tagum City, Davao del Norte.

Nakuhaan ang suspek og usa ka pakete sa gituohang shabu isip buy-bust item. Dugang pa, nasakmit usab sa iyang posisyon ang laing tulo ka pakete sa gituohang shabu, usa ka pistola nga Colt MK IV cal. 9mm, upat ka buhing bala sa 9mm, ug usa ka magasin, Usa ka pouch, kutsilyo, lighter, Upat ka improvised glass tube, sling bag Ug  P500 bill nga gigamit isip buy-bust money.

Karon, ang suspek ug ang tanang ebidensya nga nakuha atol sa operasyon kasamtangang gidala sa Maco MPS para sa hustong pagproseso ug disposisyon.

Photo courtesy to: Maco opn section