Mokabat sa 49 ka mga tawo ang namatay human ang usa ka sakayan nga ilang gisakyan nayabo sa amihanang kasadpan nga nasud sa Africa sa Mauritania.
Gibutyag sa mga coastguard sa Mauritanian nga gibana bana nga 100 pa ang nawala, og adunay 17 nga naluwas samtang padulong sa Canary Islands sa nasud Spain.
Sumala pa sa mga awtoridad nga ang mga biktima sakay sa usa ka dugout canoe ug padulong sa nasampit nga nasud. Usa ka survivor miingon nga ang barko miabot gikan sa Gambia sa miaging semana.
Anaa matud pa sa 160 ang kinatibuk-ang ihap sa mga pasahero, kadaghanan kanila mga Gambian ug Senegalese nasyonal.
Sa miaging tuig, mukabat sa 47,000 ka mga tawo ang nakaabot sa Canary Islands ug gibana-bana nga 9,000 ka mga migrante ang namatay human misulay sa pag-adto sa maong isla.
Photo courtesy to: Global news
