Gipakusgan pa sa lungsod sa Kapalong ang Agricultural Production Center (APC) nga nahimutang sa gihimong MAGRO- Extension Office, human gibisita ni Kapalong mayor Edgardo Timbol niadtong nakalabay nga adlaw sa Brgy. Capungagan sa nahisgutang munisipalidad.
Tumong sa pagbisita sa Mayor ang pagkumusta sa sitwasyon niini, pag-assess sa mga gikinahanglanon sa maong pasilidad, ilabi na ang dugang personahe nga ma-assign sa maong extension office.
Gisubay usab sa mayor kauban ang MAGRO OIC ang Goat Production Facility diin nakita sa niini, ang dakong oportunidad sa goat production initiatives isip tubag sa padayon mga problema sa African Swine Fever (ASF) sa lungsod.
Mamahimong alternatibo matud pa ang pagpadaghan sa mga kanding inay sa mga baboy nga mapalit usab sa katawhan sa Kapalong Public Market, diin usa ka oportunidad nga maka-supply sa laing palengke sa tibuok probinsya sa Davao del Norte.
