Sugdan na sa Department of Agriculture (DA) ang roll out sa pinakaunang vaccine batok sa avian influenza (AI) o mas nailang bird flu.
Kini human gi-aprubahan sa Food and Drug Administration (FDA) aron mabaligya ug maggamit sa tanang mga poultry raisers sa nasud.
Matud ni Agriculture Secretary Francisco Tiu Laurel nga ang gi-aprubahan sa FDA mao ang VOLVAC BEST AI+ND nga gihimo sa German Pharmaceutical firm Boehringer Ingelheim.
Pinaagi sa FDA’s approval, mapalig-on na ang panginabuhian sa mga poultry farmer’s batok sa virus nga nakahatag ug kabalaka sa mga pagkaon ug sa kahimsog sa panlawas.
Matud ni Tiu Laurel, gawas nga makabaton ug immunity ang mga hayopan batok sa highly pathogenic avian influenza (HPAI) subtype H5N1 makatabang sab kini sa pagpalig-on sa immune system sa langgam sa pakigbatok sa velogenic New castle disease.
source : MANILA BULETIN
