Gidayeg ang duha ka opisyal sa Impasug-ong Municipal Police Station sa pagluwas sa usaka 54-anyos nga lalaking misuway sa pagtapos sa iyang kinabuhi didto sa Atugan Bridge niadtong Agosto 23, 2025.
Giila ang biktima residenti sa San Vicente, Sumilao kinsa nakit-an sa tulay nga nagbitbit og nylon nga pisi, nangandam sa paghunos sa iyang kaugalingon.
Sila Police Corporal Mike Anton Yamaro ug Patrolman Virgilio Velayo III daling mirespondi sa maong taho, diin si Velayo miingon nga kalmado silang nakig-sulti sa lalaki ug, uban sa tabang sa usa ka sibilyan, nakahimo sa pagbira kaniya ngadto sa luwas nga kahimtang.
Sumala pa ang biktima nakigbugno sa depresyon tungod sa utang diin ang iyang kinitaan igo ra sa pagbayad niini. Sa ulahi gidala kini alang sa medical check-up ug gipaubos sa counseling.
Nailhan ang Atugan Bridge nga delikadong lugar sa mga dunay suicidal attempt diin niaging tuig dunay miambak sa maong tulay, busa gitun-an karon sa lokal nga pagagamhanan ang paghatag igong seguridad sa palibot niini.
via: Tonton Peralta
