𝟑𝟕 𝐀𝐍𝐘𝐎𝐒 𝐍𝐆𝐀 𝐏𝐀𝐒𝐀𝐇𝐄𝐑𝐎 𝐃𝐀𝐊𝐏𝐀𝐍 𝐒𝐀 𝐏𝐀𝐍𝐓𝐀𝐋𝐀𝐍; 𝐏𝟒𝟎𝟎𝐊 𝐒𝐇𝐀𝐁𝐔 𝐍𝐀𝐒𝐀𝐊𝐌𝐈𝐓

Nadakpan ang 37 anyos nga lalaki pasahero sa MV Pilar Tuna dihang nakuhaan kini og illegal nga shabu, Agosto 27, 2025, mga alas 10:00 sa buntag, sa Barangay 7, Poblacion, Dapa, Surigao del Norte.

Gilusad ang nagkahiusang operasyon sa Dapa Municipal Police Station (lead unit) pinangulohan ni PCPT VIOLETO D. PEPITO, JR., Chief of Police, kauban ang Philippine Drug Enforcement Agency (PDEA) 13, Philippine Coast Guard, ug mga personahe sa Philippine Ports Authority (PPA) Dapa, sa ilang gihimong Random Paneling Inspection gamit ang K9 unit sa sulod sa Philippine Ports Authority.

Sa maong operasyon, naaktohan ang usa suspek  nga gikan Surigao City, nakompiska gikan sa suspek ang  Tulo (3) ka transparent nga plastic nga cellophane nga adunay shabu, gibanabana nga 60 gramos ug standard drug price nga Php408,000.00, Usa (1) ka self-sealing nga plastik sachet nga adunay dahon sa marijuana, nga mitimbang sa 1.4 gramos nga nagkantidad sa Php168.00, cash money Php41,500.00 sa lain-laing denominasyon,  Usa (1) ka timbangan, lighter, improvised needle breaker, ug usa ka cellular phone.

Ang suspek ug ang ebedinsiya anaa na sa kustodiya sa Dapa Municipal Police Station alang sa hustong disposisyon ug pagsang-at sa tukmang kaso.

Photo courtesy to: Dapa MPS