Gipagawas sa Daihatsu Motor Co. ang usa ka bag-ong electric wheelchair alang sa mga Edaran niadtong Lunes, Agosto 25, 2025. Ang “e-Sneaker” gisulayan na sa paggamit sa nagpadayong World Exposition sa kasadpang lungsod sa Osaka, Japan.
Makadagan ang maong wheelchair og unom ka kilometro matag oras ug makaabot og 12 km sa usa ka full charge. Dili kinahanglan ang lisensya sa pag-drive aron magamit kini.
Tungod sa taas nga lingkuranan, gihatagan niini ang mga tiggamit og panan-aw nga susama sa pagsakay og bisikleta, nga nagpalig-on sa visibility ug kaluwasan.
Adunay speed control function usab ang sakyanan nga awtomatikong mopahinay sa mga dapit nga adunay sakahon o kon moliko. Pinaagi sa dagkong pneumatic nga ligid, kini makalatas og mga hagdanon o bakilid nga kutob sa 7.5 sentimetro.
Ang presyo niini magsugod sa 418,000 yen, ug gilauman sa Daihatsu nga makabaligya og 500 ka yunit sa e-Sneaker matag tuig, nga target ang mga aktibo nga seniors.
Sumala pa ni Daihatsu President Masahiro Inoue, gihimo nila ang e-Sneaker aron mahatagan og kapilian sa transportasyon ang mga tigulang nga kasagaran makasinati og kahasol sa ilang paglihok-lihok.
Photo courtesy to:Jiji Press
