Nagtambayayong ang pwersa sa Bureau of Immigration (BI) ug National Intelligence Coordinating Agency (NICA) aron mas mapalig-on ang panag-uban sa pagbantay sa mga utlanan sa nasud.
Gihingusgan sa Bureau of Immigration nga kabahin kini sa tumong nga himoon nga mas moderno ug propesyonal ang ilang serbisyo.
Pinaagi niini, mas dali silang makatubag sa bisan unsang hulga nga ilang atubangon og maaksyonan gilayon kini.
Sumala ni Immigration Commissioner Joel Anthony Viado, ang panag-uban tali sa duha ka ahensiya maghatag og dalan sa hustong pagtagad sa pag-ila sa border control isip bahin sa national security.
Tungod niini, nagpahinumdum kini sa mga magtinguha nga abusuhon ang ‘immigration system’ nga ilang atubangon ang mas lig-on nga “united front.”
Busa, mapalig-on pa ang koordinasyon hilabi na sa nagkalain-laing ahensiya aron masiguro ang seguridad sa tanang mosulod ug mogawas sa nasud.
Photo credits to:iborderctrl.eu
