Gisusi na karon sa Philippine National Police (PNP) ang posibilidad nga pagpatuman og internal disciplinary machine sulod sa ilang hanay aron malimitahan ang pagkalambigit sa mga pulis sa mga kaso sa korapsyon.
Sumala ni PNP Chief PGen. Nicolas Torre III, tumong niini nga marisulba sulod sa ilang han-ay ang bisan unsang isyu nga nalambigit ang mga pulis.
Kini human sunod-sunod nga nakadawat ang buhatan sa National Police Commission (NAPOLCOM) og mga reklamo batok sa pipila ka pulis ug hataas nga opisyal sa kapulisan.
Nagpasalamat usab ang hepe sa NAPOLCOM tungod sa mga disciplinary actions nga gipatuman niini aron masiguro nga madisiplina ang mga pulis nga nalambigit sa sayop nga binuhatan.
Samtang, gawas sa pagpatuman og ubang disciplinary machines, andam usab ang PNP nga modawat sa mga aksyon sa NAPOLCOM isip kabahin sa ilang internal machinery ang komisyon.
Photo courtesy:PNP
