Miduyog ug nagdalag kalipay ang iladong banda nga Sweetnotes sa ilang konsiyerto nga gipahigayon sa Kidapawan City Pavilion niadtong Agosto 23, 2025 isip kabahin sa Timpupo Festival.
Daghang mitambong nga gikan pa sa lain-laing barangay ug kasikbit nga lugar aron personal nga masaksihan ang pasundayag sa banda.
Nakauban sa pag-jam ug gipakilig ang mga manan-aw sa mga sikat nga cover songs nga gikanta sa Sweetnotes, mga Filipino hits man o mga international hits.
Dili lang mga millennials ang nakigjam kondili apil usab ang mga Gen Z nga malipayon nga miambit sa kalipay. Usa kini sa gihulat ug nahimong highlight sa Timpupo Festival 2025 nga inisyatibo sa Lokal nga Panggamhanan sa Kidapawan.
Gawas sa maong banda, nagpakitang-gilas usab sa entablado ang ubang local bands gikan sa dakbayan. Dugang nga kolor sa Timpupo Festival ang maong konsiyerto nga nagpamatuod nga ang musika usa ka dalan aron maghiusa ug magtinabangay ang komunidad.
